Վարչապետ Նիկոլ Փաշինյանն առերևույթ պետական դավաճանության հատկանիշներով հարուցված քրեական գործի շրջանակներում հարցաքննվել է որպես վկա: Այս մասին, յսօր՝ հունիսի 2-ին, Ազգային ժողովում հայտարարել է ՀՀ քննչական կոմիտեի նախագահ Արգիշտի Քյարամյանը։
«Պարոն վարչապետը որպես վկա է հարցաքննվել»,- նշեց Քյարամյանը՝ ի պատասխան «Հայաստան» խմբակցության քարտուղար Արծվիկ Մինասյանի հարցին։
Վարչապետ Նիկոլ Փաշինյանը դեռ ապրիլի 18-ին էր հայտարարել, որ հարցաքննվել է այս գործի շրջանակներում, սակայն չէր նշել, թե ինչ կարգավիճակով։
«Ես քննվել եմ, հարցաքննվել եմ շատ մանրամասն: Ինչքան պետք է, այնքան էլ կհարցաքննվեմ», - ասել էր Փաշինյանը:
