Ռուսաստանի զորքերի մոտ սպառվում են անհրաժեշտ սարքավորումները, ուստի Ուկրաինան 2023 թվականին կարող է ապաօկուպացնել Ղրիմը։ Այս մասին The Washington Post-ին տված հարցազրույցում հայտարարել է Մեծ Բրիտանիայի պաշտպանության նախարար Բեն Ուոլեսը:

Նա կոչ է արել երկրներին պատրաստ լինել Ռուսաստանի ներսում իրադարձությունների զարգացման ցանկացած տարբերակի այն բանից հետո, երբ ՌԴ-ն, նրա գնահատմամբ, պարտություն կկրի։

Ուոլեսը կարծում է, որ Ռուսաստանի նախագահը դեռ հավատում է Կիեւի նկատմամբ տարած հաղթանակին եւ կշարունակի կենդանի ուժ նետել մարտի մեջ մինչեւ վերջնական տապալումը։