Եթե որևէ մեկը համարձակվի Թայվանն անջատել Չինաստանից, ապա չինական զինված ուժերը մեկ վայրկյան անգամ չեն վարանի, հայտարարել է Չինաստանի պետխորհրդական և ազգային պաշտպանության նախարար Լի Շանֆուն կիրակի Սինգապուրում անցկացվող 20-րդ «Շանգրի-Լայի երկխոսության» ժամանակ՝ կրկնելով, որ Չինաստանը պետք է միավորվի և միավորվելու է, տեղեկացնում է Global Times-ը։
Նա նաև կոչ է արել ԱՄՆ-ին անկեղծ գործել, խոսքը գործով ամրապնդել և կոնկրետ գործողություններ ձեռնարկել Չինաստանի հետ նույն ուղղությամբ աշխատելու համար՝ երկու բանակների միջև հարաբերությունները կայունացնելու նպատակով։
Նա ընդգծել է, որ «ինչքան ավելի անզուսպ լինի Թայվանի անկախության համար անջատողական գործունեությունը, այնքան ավելի վճռական կլինեն Չինաստանի հակամիջոցները»։ Օտարերկրյա ցանկացած միջամտություն դատապարտված է ձախողման, հայտարարել է Լի Շանֆուն։
