54 ուգանդացի խաղաղարար է զոհվել Սոմալիում՝ անցյալ շաբաթ զինյալների կողմից Աֆրիկական միության պաշարման ժամանակ, հայտարարել է Ուգանդայի նախագահ Յովերի Մուսևանին։

«Աշ-Շաբաբ» ահաբեկչական խմբավորումը, որն արդեն ավելի քան տասը տարի պայքարում է Սոմալիի կենտրոնական կառավարության դեմ, իր վրա է վերցրել մայիսի 26-ի հարձակման պատասխանատվությունը։

Զինյալները պայթուցիկով բարձված մեքենայով  մտել են Բուլո Մարեր բազա, ինչը հանգեցրել է փոխհրաձգության, AFP գործակալությանն են հայտնել տեղի բնակիչները։