Ֆրանսիայում հայտնաբերված քարե դարի հանելուկային, C-աձև, եղջերուի եղջյուրներից պատրաստված փոքրիկ առարկաները տարակուսանքի մեջ էին պահում գիտնականներին ավելի քան 150 տարի, սակայն հիմա այդ արտեֆակտներն ուսումնասիրող ժամանակակից փորձարկումը, թերևս, բացահայտում է դրանց նշանակությունը․ դրանք, հավանաբար, պատրաստվել և կիրառվել են են որպես կոթ նիզակների նետիչների համար, ասվում է նոր ուսումնասիրության մեջ։
Հայտնագործությունն արվել է կիսալուսնի ձև ունեցող, խոզերի և եղջերուների մարմինը խոցող փոքրիկ տեգերի նետման համանման սարքերի համեմատությամբ։ Այդ փորձարկումների հաջողությունը թույլ է տալիս ենթադրել, որ եղջյուրներից պատրաստված առարկաներն ինչ-որ ժամանակ ամրացվել են փայտե նիզականետներին, ասվում է Science ամսագրում տպագրված ուսումնասիրության մեջ։
Առաջին բաց օղակը հայտնաբերվել է վերին պալեոլիթի արտեֆակտների մեջ Ֆրանսիայի հարավարևմտյան Լե Պլակար քարանձավում 1870-ական թվականներին։ Դրանից հետո գտնվել է ևս 10-ը, ընդ որում բոլորը Ֆրաանսիայում։
