Հնդկաստանի Բիհար նահանգում կիսակառույց տրանսպորտային կամրջի 200 մետրանոց հատվածն ընկել է ջուրը, տուժածներ եւ զոհեր չկան, հաղորդում է Times of India-ն:
Սա այս կամրջի երկրորդ փլուզումն է։ Ավելի վաղ կամրջի մի մասը փլուզվել էր 2022 թվականի ապրիլին: Այդ ժամանակ փլուզման պատճառ էր դարձել թուլացած ճոպանը, այն դեպքում, երբ փորձագետների մի մասը վթարի համար մեղադրել էր անորակ շինանյութերի օգտագործումը:
3,1 կմ երկարությամբ կամրջի շինարարությունը սկսվել է 2014 թվականին եւ, ինչպես սպասվում էր, կավարտվի 2019 թվականին: Այդ ժամանակից ի վեր այդ ժամկետը երկարաձգվել է չորս անգամ։ Շինարարության արժեքը գնահատվել է 17,1 միլիարդ ռուփի (207 միլիոն դոլար):