ԱՄՆ-ում կայծակի հարվածները երկու խոշոր հրդեհ են առաջացրել, որոնցից մեկի հետեւանքով ոչնչացվել է Մասաչուսեթս նահանգի 18-րդ դարի եկեղեցին, հաղորդում է New York Post-ը։
Բացի այդ, Լուիզիանա նահանգում կայծակի հետեւանքով հրդեհ է բռնկվել նավթավերամշակող գործարանում։
Պարբերականի տվյալներով՝ Սփենսեր քաղաքում այրված առաջին կոնգրեգացիոնալիստական եկեղեցին հիմնվել է 1743 թվականին այն բանից հետո, երբ Քեմբրիջից մեծահարուստ վաճառական Նաթանիել Քանինգհեմը հող նվիրեց դրա կառուցման համար՝ Սփենսեր քաղաքի հիմնադրումից մեկ տասնամյակ առաջ: 1772 թվականին այն փոխարինվել է ավելի մեծ շենքով, իսկ եկեղեցու սրաձողը կցվել է 1802 թվականին․ հենց դրան է հարվածել կայծակը։