ԱՄՆ-ում կործանված Cessna Citation բիզնես-ջեթը, որը որսացել են F-16 կործանիչները, պատկանում էր Ֆլորիդայից Encore Motors of Melbourne ընկերությանը։ Այս մասին The New York Times-ին հայտնել է ընկերության ղեկավար Ջոն Ռումփելը: Նրա խոսքով՝ ինքնաթիռում եղել են նրա դուստրն ու 2 տարեկան թոռնուհին, ինչպես նաեւ դայակն ու օդաչուն:

The Daily Beast-ը՝ վկայակոչելով ԱՄՆ Դաշնային ընտրական հանձնաժողովի զեկույցները, գրում է, որ Ռումփելն ու նրա կինը՝ Բարբարան, վերջին մի քանի տարիներին գումար են նվիրաբերել հանրապետական թեկնածուներին, այդ թվում՝ «հարյուր հազարավոր դոլարներ» են փոխանցվել ԱՄՆ նախկին նախագահ Դոնալդ Թրամփի հիմնադրամին: Պարբերականի տեղեկություններով՝ Բարբարա Ռումփելը նաեւ Ազգային հրաձգային ասոցիացիայի կանանց ղեկավար խորհրդի անդամ էր։

«Ինքնաթիռն իջնում էր րոպեում 20 հազար ֆուտ (6 հազար մետր) արագությամբ, ոչ ոք չէր կարող նման արագությամբ փրկվել կործանումից»,-ասել է Ռումփելը: 

Cessna Citation ինքնաթիռը վթարի է ենթարկվել հունիսի 4-ին, փրկվածներ չեն հայտնաբերվել: Դաշնային ավիացիոն վարչության (FAA) տվյալներով՝ բիզնես-ջեթը մեկնել է Թենեսի նահանգի Էլիզաբեթթաուն քաղաքից եւ ուղեւորվել Լոնգ Այլենդի Մքարթուր օդանավակայան: Սակայն թռիչքի ընթացքում ինքնաթիռն անսպասելիորեն շրջվել է եւ ընկել Վաշինգտոնում։