Հունիսի 5-ին հրավիրվել է Արցախի Հանրապետության Ազգային ժողովի ֆինանսաբյուջետային և տնտեսական կառավարման հարցերի մշտական հանձնաժողովի նիստ, որտեղ ամփոփվել է 2022 թվականի բյուջեի կատարման մասին հաշվետվության քննարկումները:
Բյուջեի կատարման մասին հաշվետվությունը ներկայացրել է Արցախի Հանրապետության ֆինանսների և էկոնոմիկայի նախարար Վահրամ Բաղդասարյանը: Անդրադառնալով 2022 թվականի պետական բյուջեի կատարմանը վերաբերող ցուցանիշներին՝ նախարարը նշել է, որ բյուջեի 57 տոկոսն ուղղվել է սոցիալական խնդիրների լուծմանը:
ԱԺ ֆինանսաբյուջետային և տնտեսական կառավարման հարցերի մշտական հանձնաժողովի նախագահ Արթուր Հարությունյանը, ամփոփելով 2022թվականի բյուջեի կատարման մասին հաշվետվության քննարկումների արդյունքները, նշել է, որ հաշվեքննիչ պալատի եզրահանգումը հաշվետվության վերաբերյալ դրական է:
3 կողմ ձայնով 2022թվականի պետական բյուջեի կատարման մասին հաշվետությունը գլխադասայաին հանձնաժողովի դրական եզրակացությամբ կներկայացվի ԱԺ առաջիկա հերթական նիստի քննարկմանը:
