Արտաշատ-Գառնի ավտոճանապարհին մայիսի 27-ին «Վոլցվագեն Այդի 4» մակնիշի եւ «Վազ 2106» մակնիշի բախման հետեւանքով առաջացած ավտովթարի գործով նշանակված փորձաքննությունների պատասխանները դեռեւս հայտնի չեն։ Այս մասին NEWS.am-ի հետ զրույցում ասաց Քննչական կոմիտեի մամուլի խոսնակ Գոռ Աբրահամյանը։
Նա նշեց, որ բոլորը մասնակիցները բացի վարորդներից ստացել են տուժողի կարգավիճակ։ Հասկանալու համար, թե ինչ կարգավիճակ են ստանալու վարորդները, անհրաժեշտ է սպասել փորձաքննությունների պատասխաններին։
Ավելի վաղ արված փորձաքննությունը պարզել էր, որ վարորդները ալկոհոլի կամ որեւէ հոգեմետ դեղի ազդեցության տակ չեն եղել։
Հիշեցնենք, որ մայիսի 27-ին Արտաշատից Գառնի տանող ճանապարհի 14-րդ կիլոմետրի հատվածում, դեպի Գառնի գնացող ուղեմասում, միմյանց են բախվել Գառնի գյուղի 42 ամյա բնակչի կողմից վարած «Վոլցվագեն Այդի 4» մակնիշի ավտոմեքենան եւ Վերին Արտաշատի բնակավայրի 38-ամյա բնակչի կողմից վարած «Վազ 2106» մակնիշի ավտոմեքենան։
Վթարի հետեւանքով «Վազ 2106»-ի վարորդը տեղում մահացել է, իսկ նույն ավտոմեքենայի 6 ուղեւորները, որոնց թվում 5-ը՝ երեխաներ, ինչպես նաեւ մյուս ավտոմեքենայի վարորդը, մարմնական տարբեր աստիճանի վնասվածքներով տեղափոխվել են Երեւան քաղաքի բժշկական հաստատություններ։ Ավելի ուշ երեխաներից երկուսը, գիտակցության չգալով, մահացել են։
«Վազ 2106» ավտոմեքենայով ըմբշամարտի 2 մարզիչները երեխաների հետ մեկնելիս են եղել Գառնի՝ ըմբշամարտի մրցումների մասնակցելու նպատակով։ Երեխաները ըմբշամարտ էին պարապում Այգեստանում։
