Եթե անհրաժեշտ լինի բնակիչները կզինվեն: Այս մասին այսօր՝ հունիսի 6-ին, ԱԺ-ում լրագրողների հետ զրույցում ասաց Սյունիքի մարզպետ Ռոբերտ Ղուկասյանը։
Հարցին, թե կա՞ն բոլոր պայմանները զինվելու համար, մարզպետը պատսխանեց. «Դա ՊՆ-ին պետք է հարցնել, թե արդյոք ամեն ինչ կա: Ես, բնականաբար, չեմ կարող տիրապետել այդ ամբողջ տեղեկատվությանը»:
Հարցին, թե Տեղ գյուղից քանի բնակիչ չի կարողանում գնալ իր վարելահողերը, նա պատասխանեց. «Երկու բանի մասին ենք խոսում. Մեկը, որ ՊՆ-ն բնակչին ասում է՝ ցանկալի չէ, այսինքն վտանգավոր տարածք է: Շուրջ 50 տնտեսվարող, ընտանիք այդտեղ ունի խնդիր: Մի կողմից կա նրանց առաջխաղացումը, մյուս կողմից կա մեր բանակի հետ կապված տեղակայումներ: Այդ երկուսի արանքում կա ընկած տարածք: Մյուս կողմից, թե որքան մոտ կարող են կանգնել, այնտեղ պաշտպանական բնույթի բաներ կան»:
