Շրջակա միջավայրի եւ տարածքային կառավարման եւ ենթակառուցվածքների նախարարությունները աշխատում են ջրային ռեսուրսների օգտագործման արդյունավետության բարձրացման ուղղությամբ։ Այս մասին հունիսի 6-ին Ազգային ժողովում՝ մշտական խորհրդարանական հանձնաժողովների համատեղ նիստում, 2022 թվականի պետական բյուջեի կատարողականի հաշվետվության քննարկման ժամանակ հայտարարեց ՀՀ բնապահպանության նախարար Հակոբ Սիմիդյանը։
Նրա խոսքով, ջրային ռեսուրսների հարցում ոչ միանշանակ իրավիճակ է ստեղծվել. «Մենք ստիպված ենք ոռոգման համար ջուր բաց թողնել։ Բայց նույնիսկ այստեղ մենք շատ աշխատանք ունենք անելու։ Հարկավոր է չոր սեզոնի դեպքում որոշել աշխատանքի ռեժիմը եւ օգտագործել ոռոգման համար հնարավոր բոլոր ռեսուրսները։ Սա, օրինակ, թույլ կտա խուսափել կամ գոնե նվազեցնել Սեւանա լճից ջրի բաց թողնումը»,- նշեց Սիմիդյանը։
