Արտակարգ դրության ռեժիմ է մտցվել Նովայա Կախովկա քաղաքում՝ Կախովի ՀԷԿ-ի ամբարտակի փլուզման պատճառով։ Համապատասխան կարգադրությունն ստորագրել է Նովայա Կախովկայի քաղաքային վարչության ղեկավար Վլադիմիր Լեոնտեւը։
«Արտակարգ դրություն մտցնել Նովոկախովյան քաղաքային օկրուգում կառավարման համապատասխան մարմինների եւ արտակարգ իրավիճակների կանխման եւ դրանց հետեւանքների վերացման միասնական պետական համակարգի ուժերի համար 2023թ. հունիսի 6-ի ժամը 12.00-ից»,- նշված է փաստաթղթում, տեղեկացրել է ՏԱՍՍ-ը։
Դնեպրի ջուրը Նովայա Կախովկայի շրջանում բարձրացել է ավելի քան 10 մետր Կախովի ՀԷԿ-ի փլուզումների պատճառով, տեղեկացրել է քաղաքային վարչության ղեկավար Վլադիմիր Լեոնտեւը։
«Ջուրը բարձրացել է, շարունակում է բարձրանալ։ 72 ժամվա ընթացքում, ըստ կանխատեսումների, կիջնի։ Ջուրը հեղեղում է, Դնեպրի պողոտան արդեն ջրի տակ է։ Դա նշանակում է, որ ջուրը բարձրացել է ավելի քան 10 մետր»,- ասել է նա։
