Tesla-ի Model S Plaid էլեկտրական մեքենան պտույտի նոր ռեկորդ է սահմանել աշխարհի ամենաբարդ մրցուղիներից մեկում՝ Նյուրբուրգրինգում: Այս մասին հայտնում է Electrek հրատարակությունը։

Model S Plaid-ն իր լավագույն պտույտն անցել է 7 րոպե 25,2 վայրկյանում: Այս արդյունքը 8 վայրկյանով գերազանցում է էլեկտրական մեքենաների շրջանում գրանցված նախկին ռեկորդը, որը պատկանում է Porsche Taycan Turbo S-ին:

Tesla-ն նման տպավորիչ արդյունք է գրանցել հատուկ կարագվորումների եւ Track Package-ի մասերի շնորհիվ՝ երկաթակուռ Zero-G սկավառակների, Goodyear Supercar 3R անվադողերի, ինչպես նաեւ կարբոնակերամիկական արգելակների։ Tesla-ն Track Package-ը թողարկել է 2023 թվականի մայիսին:

Դրա շնորհիվ արտադրողը կարողացել է ապաարգելափակել մեքենայի կարգավորումները՝ թույլ տալով զարգացնել մինչեւ 322 կմ/ժ արագություն։ Սկզբում Model S Plaid-ի առավելագույն արագությունը, անվտանգության նկատառումներից ելնելով, սահմանափակվել էր մինչեւ 262 կմ/ժ։