Մենք գիտենք, որ կան զոհեր, հավանաբար բազմաթիվ զոհեր, ասել է Ջոն Քիրբին՝ Ազգային անվտանգության խորհրդի ռազմավարական հաղորդակցության համակարգողը՝ մեկնաբանելով Կախովկա հիդրոէլեկտրական ամբարտակի խափանումը։
Նրա խոսքով՝ Սպիտակ տունը ուշադիր հետեւում է Ուկրաինայի Դնեպր գետի վրա կարևորագույն ամբարտակի փլուզման հետեւանքներին։
Քիրբին նաև ասել է, որ ԱՄՆ-ը հետաքննում է տեղեկություններն այն մասին, թե ինչն է եղել փլուզման պատճառը՝ միաժամանակ նշելով, որ «այս պահին մենք չենք կարող վերջնականապես ասել, թե ինչ է տեղի ունեցել»։
Քիրբին չի ասել, թե արդյոք ԱՄՆ-ը եկել է այն եզրակացության, որ ամենայն հավանականությամբ փլուզման հետևում կանգնած է Ռուսաստանը, և արդյոք դա նույնիսկ միտումնավոր արարք էր, հայտնում է CNN-ը։
Հունիսի 6-ի առավոտյան հայտնի է դարձել, որ Կախովսկայա հիդրոէլեկտրակայանի ամբարտակը վնասվել է և, ինչպես հաղորդվում է, շարունակում է փլուզվել։ Ռուսական և ուկրաինական կողմերը միմյանց մեղադրել են կայանը «խարխլելու» մեջ։
