«Բոկո Հարամ» խմբավորման ահաբեկիչները Նիգերիայի հյուսիս-արեւելքում առեւանգել են 30 հովիվների, ապա փրկագին պահանջել նրանց ազատ արձակման համար: Այս մասին հայտնում է France Press-ը՝ հղում անելով իր աղբյուրներին։
Մայիսի 31-ին զինված մարտիկները նավակների միջոցով մտել են Չադ լճի ափին գտնվող երեք հովվական գյուղ։
Ահաբեկիչները ներխուժել են տներ ու իրենց հետ տարել ֆուլանի ցեղին պատկանող 30 տղամարդկանց ու կանանց։ Նրանք պատանդների ընտանիքներին ուղղված նամակ են թողել՝ պահանջելով նրանց ազատ արձակման համար հավաքել 20 միլիոն նիգերիական նայր (43 հազար դոլար):
