Ուկրաինայի նախագահ Վլադիմիր Զելենսկու գրասենյակը գնահատել է Կախովսկայա հիդրոէլեկտրակայանի (ՀԷԿ) ավերման ազդեցությունը հակահարձակման վրա։ Նախագահի գրասենյակի ղեկավարի տեղակալ Իգոր Ժովկվայի խոսքով՝ միջադեպը ոչ մի կերպ չի խանգարի Կիեւի ծրագրերին, գրում է Bloomberg-ը։
«Դա վաղ թե ուշ տեղի կունենար, ինչը եւ եղավ 02։50-ին։ Սա ոչ մի կերպ չի ազդի ռազմական գործողությունների վրա եւ մենք կիրականացնենք հակահարձակումը»,-ասել է Ժովկան։
Նա նաեւ երկրի արեւմտյան դաշնակիցներին կոչ է արել հստակ հայտարարել այն մասին, որ Ուկրաինայի «լիակատար անվտանգությունը հնարավոր է միայն ԵՄ-ին եւ ՆԱՏՕ-ին նրա լիարժեք անդամակցության դեպքում»։
