Չինաստանը սկսել է աշխարհաի ամենախորը հորատանցքի հորատումը՝ երկրի շերտերը խորությամբ ուսումնասիրելու նպատակով։ Հորատումն իրականացվում է Սինցզյան-Ույգուր նահանգի Թարիմ անապատում, հաղորդում է Xinhua-ն:
Հորատանցքի պլանավորված երկարությունը հասնում է 11 100 մետրի։ Աշխատանքների ավարտը նախատեսվում է 1,5 տարի հետո։ Գերխոր հետազոտական հորատանցքը գիտնականներին հնարավորություն կտա ուսումնասիրել երկրի ներքին կառուցվածքն ու էվոլյուցիան եւ տվյալներ կտրամադրի երկրաբաններին, հայտարարել Է Չինաստանի ազգային նավթային կորպորացիան:
Հորատումը հեշտ խնդիր չի դառնա։ 2000 տոննայից ավելի կշռող սարքավորումները նախատեսված են մինչեւ 200 աստիճան Ցելսիուսի եւ 1300 ատմ ճնշման համար։
Սինցզյան-Ույգուր շրջանը հայտնի է հանքանյութերի եւ նավթի հարուստ պաշարներով։ Մեկ ամիս առաջ հայտնաբերվել են նավթի եւ գազի զգալի պաշարներ 8500 մետր խորությամբ հետախուզական հորատման ժամանակ:
