Սոչիում մեկնարկել է Անկախ Պետությունների Համագործակցության եւ Եվրասիական տնտեսական միության երկրորդ երիտասարդական համաժողովը, որին մասնակցում է 150 երիտասարդ մասնակից։

Համաժողովի  կազմակերպիչների խոսքով՝ միջոցառումն ուղղված է պետությունների միջեւ տնտեսական համագործակցության զարգացմանը, մասնավորապես, ուշադրություն է դարձվում այն ​​երիտասարդ ձեռնարկատերերին, որոնք գործընկերներ են փնտրում։ Փորձագետների եւ երիտասարդական համաժողովի մասնակիցների քննարկած հիմնական թեմաներն են գյուղատնտեսությունը, զբոսաշրջությունը, էլեկտրոնային առեւտուրը եւ տեխնոլոգիաները։

«Համաժողովին բացի Ռուսաստանից, մասնակցում են 9 երկրների 150 երիտասարդներ: Դրանց թվում են Հայաստանը, Ղրղզստանը, Ադրբեջանը, Ղազախստանը, Բելառուսը, Տաջիկստանը, Ուզբեկստանը, Թուրքմենստանը, ինչպես նաեւ Կուբան՝ որպես դիտորդ երկիր ԵԱՏՄ-ում։ Հարթակում հավաքվել են երիտասարդ ձեռնարկատերեր, պետական ծառայողներ, ուսանողներ եւ ԱՊՀ երկրների եւ ԵԱՏՄ-ի համալսարանական համայնքի ներկայացուցիչներ ՝ երիտասարդական ձեռնարկատիրթյան եւ արտաքին տնտեսական գործունեության զարգացման համար համատեղ նախաձեռնություններ մշակելու նպատակով», - լրագրողներին ասել է Դաշնային գործակալության երիտասարդության հարցերով ղեկավար Քսենիա Ռազուվաեւան։