News
Լրահոս
News
Հինգշաբթի
Մարտ 28
Տեսնել լրահոսը

Հայաստանում թուրքական երկրաշարժին համարժեք երկրաշարժը կքանդի երկրի շենքերի 80 տոկոսը: Այս մասին հունիսի 7-ին կայացած քննարկման ժամանակ ասաց ճարտարապետ, անշարժ գույքի կադաստրի պետական կոմիտեի նախկին ղեկավար Սարհատ Պետրոսյանը: 

Նա պարզաբանեց, որ այսօր շինարարական նորմերով հարկերի առավելագույն թույլատրելի թիվը 18 է, սակայն Երեւանում այդ թիվը 50-ից ավելի է, որոնք կառուցվել են տվյալ նորմի խախտմամբ, ինչպես նաեւ սեյսմիկ նորմերի խախտմամբ:

Նրա գնահատմամբ ՝ այս պահին Երեւանում կառուցվում է 120 հազար բնակարան, որտեղ կարելի է տեղավորել քաղաքի բնակչության 30 տոկոսին։ «Դա այնքան բնակարան է, որքան Գյումրիում, Վանաձորում եւ այլ խոշոր քաղաքներում։ Հիփոթեքը վճարելիս եկամտային հարկի վերադարձի ծրագրի արդյունքում հետագայում կարող ենք ավելացնել Հայաստանի արտաքին պարտքը եւս 30 տոկոսով»,-նշեց նա։

Քաղաքների եւ երկրի զարգացման երկարաժամկետ ծրագրերի փոխարեն, նրա կարծիքով, իշխանությունները շարունակում են հիմնվել խորհրդային ժառանգության վրա, որն այսօր ոչ մի խնդիր չի լուծում։

Պետրոսյանը հիշեցրեց, որ անկախ Հայաստանում վերջին անգամ Երեւանի գլխավոր հատակագիծը մշակվել է դեռեւս 2005-2006 թվականներին, ինչը չի համապատասխանում ժամանակակից պահանջներին: Նա համոզմունք հայտնեց, որ մայրաքաղաքի նոր պատրաստվող գլխավոր հատակագիծը չի լուծի առկա խնդիրները՝ հաշվի առնելով քաղաքային կառավարման ոլորտում մոտեցումները: 

Նա նկատեց, որ այսօր աննախադեպ կերպով անտեսվում են քաղաքացիական հասարակության եւ փորձագիտական հանրության կոչերը, քանի որ նախկինում գոնե արտաքին ճնշումներ եղել են:

«Իսկ վերջերս տնկված սակուրաները չեն լուծի կարեւոր խնդիրը՝ Երեւանում օդում փոշու կոնցենտրացիայի նվազումը»,-ընդգծեց Պետրոսյանը:

«21-րդ դարում Երեւանի իշխանությունները «ՄԱՆ» մակնիշի ավտոբուսներ են բերում, որոնք չեն աշխատում էլեկտրականությամբ, եւ ուրախանում են դրանից։ Հասարակական տրանսպորտի կազմակերպումը հաշվի չի առնում այլ տրանսպորտային միջոցների աշխատանքը: Գազելներն ընդամենը ավտոբուսներով են փոխվում։ 21-րդ դարում Երեւանի իշխանությունները չեն մտածում կենցաղային աղբի վերամշակման մասին, իսկ պլաստմասը պարզապես թաղում են հողի մեջ»,-տարակուսանք հայտնեց փորձագետը։

Միաժամանակ, Սարհատ Պետրոսյանը համոզմունք հայտնեց, որ Երեւանի ավագանու ընտրություններին մասնակցելու մտադրություն հայտնած ուժերի մեջ չկան այն ուժերը, որոնք կարող են լուծել քաղաքի խնդիրները:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ամենաշատ