Բրեստում Հավաքական անվտանգության պայմանագրի կազմակերպության (ՀԱՊԿ) զորավարժությունների նախապատրաստման եւ անցկացման վերաբերյալ անցկացված շտաբային բանակցությունների մասնակիցները համաձայնեցրել են զորավարժությունների ծրագիրը։ Այս մասին հայտարարել է Բելառուսի պաշտպանության նախարարության միջազգային ռազմական համագործակցության վարչության պետ Վալերի Ռեվենկոն։
«Բրեստում տեղի են ունեցել ՀԱՊԿ-ի համատեղ եւ հատուկ զորավարժությունների նախապատրաստման եւ անցկացման շուրջ երկրորդ շտաբային բանակցությունները։ Համաձայնեցվել են մտահաղացման հիմնական հարցերը, անցկացվել է տեղանքի հետախուզություն եւ ստորագրվել է արձանագրություն, որն արտացոլում է բոլոր կողմերի ընդհանուր տեսակետը առաջիկա իրադարձությունների վերաբերյալ»,- Twitter-ում գրել է Ռեվենկոն։
