Թուրքիայի նախագահ Ռեջեփ Էրդողանն առաջարկել է Կախովկայի ՀԷԿ-ում արտակարգ դրությունը հետաքննող հանձնաժողով ստեղծել։
«Հեռախոսազրույցի ժամանակ Էրդողանն արտահայտել է պատերազմող կողմերի, ՄԱԿ-ի եւ Թուրքիայի փորձագետների մասնակցությամբ միջազգային հանձնաժողով ստեղծելու գաղափարը»,-TRT Haber հեռուստաալիքը մեջբերում է Թուրքիայի նախագահի վարչակազմի հայտարարությունը:
Նշվում է, որ Թուրքիայի նախագահը հայտարարել է հաջող բանակցությունների համար բոլոր ջանքերը ներդնելու Անկարայի պատրաստակամության մասին, եւ որ տվյալ դեպքում կարելի է համաձայնության գալ, ինչպես հաջողվեց հացահատիկային գործարքի դեպքում։
