Աֆրիկյան 7 երկրների նախագահներ հունիսի 17-ին կայցելեն Մոսկվա՝ ուկրաինական կարգավորման խաղաղ առաքելության շրջանակներում։ Այս մասին հինգշաբթի ասվում է Brazzaville Foundation կազմակերպության կոմյունիկեի մեջ, որը նպաստում է այցին։

Նշվում է, որ խոսքը Հարավաֆրիկյան Հանրապետության նախագահ Սիրիլ Ռամաֆոսի, Կոմորյան կղզիների նախագահ Ազալի Ասումանիի, Կոնգոյի Հանրապետության նախագահ Դենիս Սասու Նգեսոյի, Ուգանդայի նախագահ Յովերի Կագուտա Մուսևենիի, Սենեգալի նախագահ Մակի Սալյայի, Զամբիայի նախագահ Հակաինդե Հիչիլեմի, ինչպես նաև, հավանաբար, Եգիպտոսի նախագահ Աբդելի Ֆաթթահ ալ-Սիսիի մասին է:

Աֆրիկայի առաջնորդները հունիսի 16-ին կհանդիպեն Ուկրաինայի նախագահ Վլադիմիր Զելենսկու, իսկ հունիսի 17-ին՝ Ռուսաստանի նախագահ Վլադիմիր Պուտինի հետ, ասվում է զեկույցում։

Առաջին անգամ ուկրաինական հակամարտության խաղաղ կարգավորման աֆրիկյան նախաձեռնության մասին հայտնի դարձավ մայիսի կեսերին, երբ Ռամաֆոսան հայտարարեց, որ հեռախոսազրույցներ է ունեցել Պուտինի և Զելենսկու հետ։ Զրույցների ընթացքում նա նախանշել է աֆրիկյան առաջնորդների առաքելություն Մոսկվա և Կիև ուղարկելու պլանները՝ քննարկելու խաղաղ կարգավորման հարցը։