Հունիսի 8-ին Անկարայում տեղի ունեցավ մայիսի ընտրություններից հետո Թուրքիայի Ազգային անվտանգության խորհրդի առաջին նիստը։
Տեղական լրատվամիջոցների փոխանցմամբ՝ Խորհրդի նիստը նախագահել է նախագահ Էրդողանը։
Հանդիպումից հետո տարածվել է Ազգային անվտանգության խորհրդի պաշտոնական հայտարարություն, որտեղ նշվում է, որ «ռուս-ուկրաինական պատերազմը մեծացնում է ռիսկերը տարածաշրջանի համար»։ Նշվել է, որ Թուրքիան կշարունակի իր ներդրումն ունենալ խաղաղ բանակցություններին ուղղված ջանքերում։
Ինչ վերաբերում է սիրիացի փախստականների հետ կապված իրավիճակին, Թուրքիայի ԱԱԾ-ն կարծում է, որ միջազգային համագործակցության շրջանակներում կարևոր է ապահովել հակամարտություններից փախած սիրիացիների կամավոր, անվտանգ և արժանապատիվ վերադարձը։
ԱԱԾ-ն ընդգծում է, որ Անկարան աջակցում է երկխոսության գործընթացին, որպեսզի Կոսովոյում լարվածությունը չվերաճի ճգնաժամի։
