Անօդաչու թռչող սարքը, որը պայթուցիկ էր կրում, Վորոնեժում ընկել է բնակելի տան վրա։ Այս մասին տեղեկացրել է Shot Թելեգրամ-ալիքը։
Ենթադրվում է, որ դրոնը խփվել է տան վրա ընկնելուց առաջ։ Պորտալի տվյալներով՝ տեղի բնակիչները երկու պայթյուն են լսել։
Հնարավոր տուժածների մասին տեղեկություններ չկան։
Հունիսի 9-ին ավելի վաղ Baza Թելեգրամ-ալիքն էր տեղեկացրել, որ միանգամից չորս կամիկաձե դրոններ գրոհել են Բելգորոդի մարզի Վյազովոյե գյուղը հունիսի 8-ի ցերեկը։
Հունիսի 7-ին Կուրսկի նահանգապետ Ռոման Ստարովոյտը տեղեկացրել էր, որ Սուջանի շրջանում սահմանապահներն ուկրաինական անօդաչու են իջեցրել։
Մեկ օր առաջ Ղրիմի ղեկավար Սերգեյ Աքսյոնովն իր Թելեգրամ-ալիքում տեղեկացրել էր, որ Ղրիմում ռադիոէլեկտրոնային պայքարի միջոցներով իջեցվել է Ուկրաինայի Զինված ուժերի անօդաչու թռչող սարք։
