Վորոնեժում անօդաչուի ընկնելու հետեւանքով վիրավորվել է երկու մարդ, նրանց օգնություն է ցուցաբերվում, Թելեգրամ-ալիքում տեղեկացրել է շրջանի ղեկավար Ալեքսանդր Գուսեւը, փոխանցել է «ՌԻԱ Նովոստի»-ն։
«Նախնական տվյալներով՝ Վորոնեժի Բելինսկու փողոցում միջադեպից հետո վիրավորվել է երկու մարդ, նրանց ցուցաբերվում է անհրաժեշտ օգնություն»,- գրել է Գուսեւը։
Ավելի վաղ նա տեղեկացրել էր, որ անօդաչուն ընկել է Վորոնեժի Բելինսկու փողոցում։ Սոցցանցերում հրապարակված լուսանկարներում երեւում է, որ ոչ մեծ վնասվածքներ է ստացել բազմահարկ շենքը։
