Կախովի ՀԷԿ-ի փլուզման հետեւանքով զոհվածների թիվը հասել է վեցի, «ՌԻԱ Նովոստի»-ին տեղեկացրել է արտակարգ ծառայությունների ներկայացուցիչը։
«Հայտնաբերվել է 1939թ. ծնված կնոջ մարմինը»,- նշել է գործակալության զրուցակիցը։
Նախօրեին Նովայա Կախովկայի քաղաքային օկրուգի ղեկավար Վլադիմիր Լեոնտեւը տեղեկացրել էր հինգ զոհվածների մասին, նրանք բոլորը հովիվներ էին։
Արտակարգ ծառայությունների ներկայացուցիչը նշել է, որ հեղեղման գոտում է հայտնվել հինգ գերեզմանոց՝ երկուսը Ալյոշկիում եւ մեկական՝ Սոլոնցիում, Կրինակում եւ Կորսունկայում, եւ անասունների թաղման վայր Գոլայա Պրիստանում։
Նոր Կախովկայում ջրի մակարդակն իջել է երկու մետրով՝ հասնելով տասը մետրի։
Ջրի տակ են մնում 22 հազար տներ։
