Հայաստանում տնտեսական աճի եւ ակտիվության ցուցանիշները պարարտ հող են ստեղծում ինչպես ընթացիկ տարվա, այնպես էլ մոտ ապագայում բավական լավատեսական սպասումների ձեւավորման համար: Այս մասին Սոչիում Եվրասիական Կոնգրեսի լիագումար նիստում ասել է վարչապետ Նիկոլ Փաշինյանը։
Նրա խոսքով ՝ 2022 թվականին Հայաստանի տնտեսությունն աննախադեպ տնտեսական աճ է գրանցել։ ՀՆԱ աճը, 2021 թվականի համեմատ, կազմել է 12,6 տոկոս։ «Հայաստանի տնտեսության բարձր դինամիկային նպաստել է նաեւ արդյունաբերության, առեւտրի, այդ թվում ՝ առեւտրային ծառայությունների եւ շինարարության ոլորտների աճը։ Արտահանման աճը նախորդ տարվա ընթացքում կազմել է 77,7 տոկոս, ընդ որում ՝ արտահանումը դեպի ԵԱՏՄ երկրներ աճել է 3 անգամ։
Փաշինյանը նաեւ ընդգծել է, որ Եվրասիան տնտեսական աճի հսկայական ներուժ ունի, եւ մենք պետք է համատեղ մասշտաբային նախագծեր իրականացնենք էներգետիկայի, թվայնացման, լոգիստիկայի, կլիմայական օրակարգի եւ փոխադարձ հետաքրքրություն ներկայացնող այլ ոլորտներում:
