ԵՄ երկրների ներկայացուցիչները չեն կարողացել համաձայնության գալ հակառուսական պատժամիջոցների 11-րդ փաթեթի շուրջ՝ միջոցների խստության շուրջ տարաձայնությունների պատճառով։ Նոր սահմանափակումները պետք է վերաբերեն երրորդ երկրներին, որոնք օգնում են Ռուսաստանին շրջանցել արդեն իսկ ձեռնարկված միջոցները։ Այս մասին հայտնում է Bloomberg-ը

Նոր պատժամիջոցները պետք է սահմանափակեն Հայաստանից, ԱՄԷ-ից, Ղազախստանից եւ Կենտրոնական Ասիայի այլ երկրներից ԵՄ հիմնական ապրանքներ արտահանելու հնարավորությունը։ Դրանց միջոցով Ռուսաստան են ներմուծվում ներկրման համար արգելված ապրանքներ։

Ինչպես հաղորդում է գործակալությունը, Ֆրանսիան եւ Գերմանիան փորձում են նվազեցնել այդ երկրների դեմ ձեռնարկված միջոցների խստությունը։ Որոշ դիվանագետներ, անանունության պայմանով, խոստովանել են, որ մտավախություն ունեն, որ սահմանափակումները կարող են իրենց էլ ավելի մոտեցնել Ռուսաստանին։

Մյուս դիվանագետները մտավախություն ունեն, որ թուլացած մեխանիզմը կդառնա չափազանց բարդ եւ անարդյունավետ:

Դիվանագետներից մեկը խոստացել է, որ տարաձայնությունները կարող են հարթվել հունիսի 12-16-ի ընթացքում։