Գերմանիայում քննիչները սկսել են ուսումնասիրել այն հանցանշանները, որոնք կարող են վկայել, որ գազամուղները պայթեցրած դիվերսանտներն որպես օպերատիվ բազա օգտագործել են Լեհաստանը՝ Եվրամիության հարևանին և ՆԱՏՕ-ի դաշնակցին։ Այս մասին հայտնում է The Wall Street Journal (WSJ)-ը, տեղեկացնում է «Լենտան»։
Միաժամանակ Լեհաստանի ազգային անվտանգության ներկայացուցիչը հավանական է համարել, որ «Հյուսիսային հոսքերի» դիվերսիային կարող է մասնակցած լինել լեհական որևէ ընկերություն։ Հետաքննության տվյալներով, Լեհաստանը գրոհների լոգիստիկայի և ֆինանսավորման կենտրոնն է եղել։ Ընդ որում, Գերմանիայի պաշտոնատար անձինք նշել են «Հյուսիսային հոսքերի» դիվերսիային լեհական իշխանությունների մասնակցության ապացույցների բացակայությունը։
Բացի այդ, քննիչները ահաբեկչությունների հետ կապված «Անդրոմեդա» զբոսանավում հայտնաբերել են պայթուցիկի և ԴՆԹ-ի հետքեր։ Փորձագետները իրավունք են ստացել ուսումնասիրել չլվացված նավը։ Նաև հետաքննվում է, թե ինչու է «Անդրոմեդա» զբոսանավը վարձակալել Ուկրաինայի հետախուզության հետ կապերի մեջ կասկածվող «ուկրաինական կեղծ ընկերությունների ցանցին» պատկանող զբոսաշրջության գրասենյակը։
ԱՄՆ Կենտրոնական հետախուզական վարչությունը (ԿՀՎ) տեղեկացրել է Բելգիայի իշխանություններին «Հյուսիսային հոսքերի» պայթեցման մեջ ուկրաինական հետքի մասին։ Ճշտվում է, որ դիվերսիայից որոշ ժամանակ անց՝ 2022 թվականի վերջին, Բելգիայի ռազմական հետախուզությունը ամերիկացիներից տեղեկություններ է ստացել։ Խոսքը վերաբերում է պայթյունների մեջ Կիևի ենթադրյալ դերին։
De Tijd պարբերականը նույնպես գրել է դիվերսիայում Ուկրաինայի մասնակցության մասին։ Հոդվածում ասվում է, որ Կիևը, հավանաբար, խառնված է «եվրոպական էներգետիկ ենթակառուցվածքի վրա կատարված ամենադաժան և ամենավտանգավոր գրոհներից մեկին»։ Ընդ որում միջադեպերի տվյալները չէին բացահայտվում, քանի որ «դա կարող է ճնշում գործադրել Ուկրաինայի հետ դաշինքի վրա»։ Washington Post-ի տվյալներով, ԿՀՎ-ն տեղյակ է եղել «Հյուսիսային հոսքերը» պայթեցնելու Ուկրաինայի ծրագրերի մասին։ Նշվում է, որ ԱՄՆ մախագահ Ջո Բայդենի վարչակազմը իմացել է այդ մասին դիվերսիայից երեք ամիս առաջ։ Կիևի ծրագիրը ենթադրում էր սուզորդների փոքր խմբի օգտագործում, որոնք ենթարկվում էին անմիջականորեն Ուրաինայի զինված ուժերի հրամանատարին։
Փետրվարին ամերիկացի լրագրող, Պուլիտցերյան մրցանակի դափնեկիր Սեյմուր Հերշը մեղադրել էր Վաշինգտոնին գազամուղների վրա գրոհները կազմակերպելու մեջ։ Ըստ նրա վարկածի, ԱՄՆ սուզորդները ՆԱՏՕ-ի Baltops 22 մանևրների քողի տակ պայթուցիկ են տեղադրել «Հյուսիսային հոսք» և «Հյուսիսային հոսք-2» գազամուղների վրա դիվերսիա կազմակերպելու նպատակով։
