Հայաստանում հոկտեմբերի 17-22-ին կանցկացվեն մի շարք միջոցառումներ, որոնք նվիրված են Իտալիայի միավորման 150-ամյակին: Ինչպես NEWS.am-ին հայտնել են Հայաստանում Իտալիայի դեսպանատան մամուլի ծառայությունից, իտալական շաբաթվա շրջանակներում կկազմակերպվեն օպերայի եւ թատրոնի ներկայացումներ, համերգներ: Նշենք, որ Իտալիայի արտաքին գործերի նախարարության նախաձեռնությամբ իտալական շաբաթ կանցկացվի աշխարհի բազմաթիվ երկրներում: Այս տարի միջոցառումների շարքը նվիրված է Իտալիայի միավորման 150-ամյակին:
