ԱՄՆ գլխավոր վերահսկիչ վարչությունը (GAO) պարզել է, որ գործազրկության ապահովագրության վճարումները, որոնք կեղծ կերպով ձեւակերպվել են կորոնավիրուսային համավարակի ժամանակ, հասել են 135 միլիարդ դոլարի:

«GAO-ն կարծում է, որ COVID-19 համավարակի ընթացքում գործազրկության ապահովագրության ծրագրերով խարդախությունների ծավալը կազմում է 100 մլրդ դոլարից մինչեւ 135 մլրդ դոլար: Դա հավասար է համավարակի ընթացքում գործազրկության վճարումների ընդհանուր գումարի համապատասխանաբար 11 կամ 15 տոկոսին»,-ասվում է զեկույցում։

Վարչությունը պարզաբանել է, որ հաշվարկներն ընդգրկում են 2020 թվականի ապրիլից մինչեւ 2023 թվականի մայիսն ընկած ժամանակահատված։