Միչիգան ​​նահանգի Դետրոյթ քաղաքի երեք ավտոմոբիլային գործարանների մոտ 13 հազար աշխատակիցներ դադարեցրել են արտադրությունը և գործադուլ են հայտարարել, հաղորդում է Associated Press-ը։

Ինչպես նշում է Reuters-ը, General Motors-ը և Stellantis-ն ասել են, որ հիասթափված են ակցիայից։

Ավելի վաղ United Auto Workers-ը (UAW) հայտարարել էր, որ աշխատողները կեսգիշերին դուրս կգան Դեթրոյթի երեք գործարաններից, եթե ավտոաշխատողների հետ աշխատանքային համաձայնություն ձեռք չբերվի: Սպասվում էր, որ գործադուլ կարող է տեղի ունենալ General Motors, Ford և Stellantis գործարաններում։

Մինչ այս, որոշ ամերիկյան ավտոհսկաների աշխատողներին միավորող արհմիության ներկայացուցիչները հայտարարել էին այս տարի զանգվածային գործադուլի հնարավորության մասին, եթե հնարավոր չլինի համաձայնության գալ ընկերությունների հետ աշխատողների աշխատանքի պայմանների վերաբերյալ։ Սա ԱՄՆ-ին սպառնում է լուրջ տնտեսական վնասով։ CNN-ի փոխանցմամբ՝ արհմիության անդամները պահանջում են բարձրացնել աշխատավարձերը, նպաստները, բարելավել կենսաթոշակային ծրագրերը և այլ պայմաններ։