Ֆլորենցիայի իշխանությունը կսահմանափակի զբոսաշրջիկներին վարձով հանձնված բնակարանների թիվը
Ֆլորենցիայի իշխանությունները ցանկանում են արգելել պատմական կենտրոնում Airbnb-ի միջոցով զբոսաշրջիկներին վարձով տրվող բնակարանների քանակի ավելացումը, հայտնում է CNN-ը։
Բնակարանների կարճաժամկետ վարձակալությունն արգելող օրենքը նախատեսվում է ընդունել սեպտեմբերի 20-ին։ Այս տարվա նոյեմբերից Ֆլորենցիայի կենտրոնում այլևս հնարավոր չի լինի գրանցել անշարժ գույք, որոնք վարձակալությամբ հանձնում են ճանապարհորդներին։
«Մենք տեսնում ենք զբոսաշրջիկների հոսքի առաջանցիկ աճ, որն էլ ավելի նկատելի է դարձել համավարակից հետո», - ասել է քաղաքապետ Դարիո Նարդելլան:
Օրենքը չի արգելելու այն բնակարանների վարձակալության տալը, որոնց համար արդեն կնքվել են կարճաժամկետ պայմանագրեր։ Սահմանափակումը կտարածվի միայն նոր պայմանագրերի վրա։
