Պեկինը հնարավորություն ունի Թայվանի նեղուցով արագընթաց երկաթուղի կառուցելու, հաղորդում է South China Morning Post (SCMP) թերթը՝ վկայակոչելով Չինաստանի Ժողովրդական Հանրապետության զարգացման և բարեփոխումների պետական կոմիտեի ղեկավարի տեղակալ Ցունգ Լիանգի հայտարարությունը։
Պաշտոնյայի խոսքով՝ Չինաստանն այսօր ունի ինժեներական և տեխնիկական հնարավորություններ մայրցամաքային Ֆուցզյան նահանգից մինչև Թայվան կղզի արագընթաց երկաթուղի կառուցելու համար։ Բուն ճանապարհի և շինարարության ժամանակացույցի մասին դեռ մանրամասն տեղեկություններ չկան։
«Մենք պետք է միասին աշխատենք՝ իրականացնելու երկու կողմերի մարդկանց երազանքը՝ մոտ ապագայում արագընթաց գնացքով անցնել Թայվանի նեղուցը», - մեջբերում է SCMP-ը Ցունգ Լիանգի խոսքերը:
Ինչպես նշում է Ցուն Լիանգը, մայրցամաքի և կղզու միջև երկաթուղին կօգնի թայվանական ապրանքներին հասնել եվրասիական շուկաներ՝ միաժամանակ զարգացնելով Չինաստանի «Գոտի և ճանապարհ» տնտեսական նախաձեռնությունը:
