Թուրքիան ապրում է մի շրջան, երբ մենք քայլ առ քայլ հետևում ենք թողնում այն խնդիրները, որոնք թուրքական տնտեսությունում առաջացել են համաշխարհային տնտեսական տատանումների պատճառով։ Այս մասին հայտարարել է Թուրքիայի նախագահ Էրդողանը, տեղեկացնում է Անադոլուն։
«Նույնիսկ Թուրքիայի ամենաեռանդուն թշնամիներն այլևս չեն կարող անտեսել մեր երկիրը և չեն կարող հաջողության հասնել մեր տնտեսության վրա մութ ամպեր գոյացնելու իրենց փորձերում»,- եզրափակել է Թուրքիայի ղեկավարը։
Նա հավելել է, որ թուրքական սփյուռքը կազմող, այլ երկրներում ապրող, աշխատող և սովորող թուրքական ծագում ունեցող մարդկանց թիվը հասնում է 8 միլիոնի։
«Թյուրքական պետությունների կազմակերպության անդամ և դիտորդ երկրների, այդ թվում՝ Ադրբեջանի, Ուզբեկստանի, Ղազախստանի, Ղրղզստանի, Թուրքմենստանի և Հունգարիայի քաղաքացիները ևս պետք է ներգրավվեն մեր սփյուռքի շարքերում»,- նշել է Էրդողանը։
Այս ցուցակում նա ներառել է նաև Թուրքիայի կողմից օկուպացված Կիպրոսի հյուսիսային հատվածի քաղաքացիներին։
«Մենք չպետք է մոռանանք նաև Արևմտյան Թրակիայում, Բալկաններում, Կովկասի այլ եղբայրական համայնքներում ապրող մեր հայրենակիցներին, իսլամական աշխարհի և նրանց սփյուռքի ներկայացուցիչներին», - ընդգծել է Թուրքիայի նախագահը։
