Հայաստանը կանգնած է աշխարհաքաղաքական հսկայական փոփոխությունների շեմին, եւ ընտրությունը, բնականաբար, ոչ այնքան ավագանու է եւ քաղաքապետի, այլ քաղաքական ուղղվածության մասին է: Այս մասին այսօր՝ սեպտեմբերի 17-ին, Երեւանի ավագանու ընտրություններին լրագրողների հետ զրույցում ասաց «Հայաստանի եվրոպական կուսակցության» քաղաքապետի թեկնածու Տիգրան Խզմալյանը:
«Մարդիկ բնականաբար չեն սիրում անել ընտրություն, երբ որ ստիպված են լինում, որովհետեւ դա մեծ պատասխանատվություն է: Եվ կարծում եմ՝ այս անցումային շրջանի պատճառն էլ այս պասիվությունն է, որն ակնհայտ է»,- նշեց Տիգրան Խզմալյանը:
Խզմալյանը շեշտեց, որ Երեւանը պետք է գլխավորի մեր երկիրը եվրոինտեգրման ճանապարհին:
