«Հանրային ձայն» կուսակցությունը, «Մայր Հայաստան» դաշինքը և Հայկ Մարությանը կարող են դե ֆակտո կոալիցիա կազմել և քաղաքապետի պաշտոնում առաջադրել Մարությանի թեկնածությունը՝ ինչը նրան թույլ կտա ձտել ավելի լուրջ ամբիցիաների իրականացման։ Այս մասին NEWS.am -ի թղթակցի հետ զրույցում ասաց քաղաքական վերլուծաբան Արգիշտի Կիվիրյանը։
«Բայց արդյո՞դ դա անհրաժեշտ է արմատական ընդդիմությանը։ Սա է հարցը»,- հավելեց նա։ Նա կարծում է, որ Փաշինյանին տապալելու համար սա շատ գրավիչ հնարավորություն է ։
Ըստ նրա՝ Փաշինյանին Մարությանի երկրորդ նույնպես ձեռնտու է, քանի որ նոր ընդդիմություն է ձևավորվում։
«Նախկին, արմատական ընդդիմության էջը մասամբ փակվում է, քանի որ ընդդիմությունում գերիշխում է երկրորդ տեղը զբաղեցնող ուժը։ Ընդ որում, հեղափոխականների ձայները ցրվեցին, «հեղափոխականների» արմատական թեւը պառակտվեց»,- ընդգծեց Կիվիրյանը։
Նա չբացառեց, որ Մարությանը ինչ-որ փուլում կարող է համագործակցություն սկսել Փաշինյանի հետ՝ հաշվի առնելով, որ նրանք գաղափարկից ընկերներ են եղել։ Վերլուծաբանը հիշեց, որ Փաշինյանը հարկ եղած դեպքում քրեական գործերով ճնշում է գործադրել այլ համայնքների ղեկավարների վրա։
«Հետևաբար, իշխանությունները կարող են սպասել Մարությանի քաղաքապետ դառնալուն և քրեական հետապնդման սպառնալիքի տակ փորձել նրան «շրջանակի մեջ» պահել , առավել ևս, որ նա հրապարակավ միայն քաղաքապետի պաշտոնին է հավակնել։ Ավելի լայնամասշտաբ նպատակների համար նրան պետք է ավելի հստակ աջակցություն Արևմուտքից»,- նշեց Կիվիրյանը։
«Հանրապետություն» կուսակցության և իշխանությունների համագործակցությանը, նրա կարծիքով, կարող են խոչընդոտել միայն Արևմուտքի ուղղակի հրահանգները։
«Հայկ Մարությանը խաղաց արևմտյան տեխնոլոգիաների կիրառման վրա, ինչպես ավելի վաղ դա արեց Փաշինյանը, իսկ հետո՝ Ուկրաինայում՝ Զելենսկին։ Այս ամենը հուշում է, որ արևմտյան վեկտորը լուրջ դեր ունի մեր հասարակության մեջ»,- եզրափակեց նա։
