Եվրախորհրդարանի պատգամավոր Լուկաս Ֆուրլասը Եվրամիության ակտիվ քայլերի անհրաժեշտություն է տեսնում՝ պատասխան Լեռնային Ղարաբաղի հայերի դեմ Ադրբեջանի գործողությունների:
Ֆուրլասը հայտարարել է. «Եթե ես հայ լինեի եւ հետեւեի այս բանավեճին, ես բոլորովին երջանիկ չէի լինի։
Չափից շատ խոսքեր, չափից քիչ գործողություններ։ Հարցը շատ հեշտ է, մենք պետք է անկեղծ լինենք ինքներս մեզ հետ։ Արդյոք մենք պատրաստվո՞ւմ ենք պատժել Ադրբեջանին, որը հարձակվել է հայերի վրա: Ի՞նչ արեց ԵՄ-ն, երբ մարդասիրական օգնությունը չկարողացավ անցնել Լաչինի միջանցքով եւ հասնել իր նպատակակետին։ Իմ հարցը շատ պարզ է: Հիմա, երբ Ադրբեջանը սպանում է մարդկանց, ի՞նչ ենք անելու որպես ԵՄ, կդատապարտե՞նք խոսքերով, բանաձեւ կպատրաստե՞նք, թե՞ պատրաստվում ենք ինչ-որ բան անել, ինչպես դա արեցինք Ռուսաստանի դեպքում»։
