Ինդոնեզիայում դատարանը կնոջը դատապարտել է 2 տարվա բանտարկության աստվածանարգության եւ TikTok-ի տեսանյութում խոզի միս ուտելու համար։ Տեսանյութն արագ միլիոնավոր դիտումներ է հավաքել։ Իսլամական օրենքներով խոզի միս ուտելը հարամ է համարվում։

Դատարանը որոշել է, որ 33-ամյա կինը միտումնավոր է «տարածել տեղեկություն՝ ուղղված ատելության կամ անհատական/խմբակային թշնամանքի տարածմանը կրոնական հողի վրա» եւ պարտավորեցրել է նրան վճարել 250 մլն ռուփիի (16 249,59 ԱՄՆ դոլար) տուգանք։

Լյութֆիավատին հրապարակայնորեն ներողություն է խնդրել տեսանյութի համար եւ զարմացել է դատավճռի առիթով։ «Ես գիտեմ, որ իրավացի չեմ, բայց նման պատիժ չէի սպասում»,- ասել է Լյութֆիավատին տեղի MetroTV լրատվական ալիքի եթերում։