Հայաստանի կառավարությունը ԼՂ հայության տեղահանության խնդիր չի դրել: Այդ մասին «Արմենպրես»-ի հարցին ի պատասխան հայտնեցին ՀՀ վարչապետի աշխատակազմից։

«ՀՀ կառավարությունը ԼՂ հայության տեղահանության խնդիր չի դրել և կարծում է, որ իրենց տներում անվտանգ եւ արժանապատիվ ապրելու ԼՂ հայերի իրավունքները պետք է երաշխավորվեն, բայց մյուս կողմից ԼՂ հայերի կամ նրանց մի մասի մնալն անհնար գնահատվելու դեպքում կկայացվեն անհրաժեշտ որոշումներ»,- հայտնել են վարչապետի աշխատակազմից։

ԼՂ-ում  հումանիտար խնդիրների, այդ թվում՝ ցանկացողներին ՀՀ տեղափոխելու հարցի շուրջ ՀՀ կառավարության ներկայացուցիչները մշտական կապի մեջ են ԼՂ գործընկերների հետ, նշել են վարչապետի աշխատակազմից։