Երեւանի Մաշտոցի պողոտայի եւ Գրիգոր Լուսավորիչ փողոցի խաչմերուկում, որտեղ քաղաքացիները փակել են ճանապարհը, միջադեպ տեղի ունեցավ:
Մեքենաներից մեկը փորձեց բաց հատվածով անցնել՝ քշելով ցուցարարների վրա: Քաղաքացիները սկսեցին հարվածել մեքենային, նաեւ մեղադրում էին ոստիկաններին, որ թույլ տվեցին անցնի: Իրավիճակը լարվեց, բախում սկսվեց ոստիկանների եւ ցուցարարների միջեւ:
Բարձրախոսով կոչ արվեց սադրանքների չտրվել, կոնֆլիկտըի մեջ չմտնել ոստիկանների հետ: Այս հատվածում ոստիկանների թիվը մեծ չէ, նրանք չէին խոչընդոտում փողոցների փակմանը:
Այստեղ են նաեւ ԱԺ «Հայաստան» խմբակցության պատգամավորներ Արմենուհի Կյուրեղյանը, Ասպրամ Կրպեյանը:
