Անդրանիկ Թեւանյանին տարել են քաղմաս. Հոգեւարքի մեջ գտնվող ՔՊ-ական խունտան իր հերթական սխալն է գործում։ Այս մասին Facebook-ի իր էջում գրել է քաղաքական վերլուծաբան, «Մայր Հայաստան» դաշինքի ցուցակում ընդգրկված Ստեփան Դանիելյանը:

Նա նաեւ նշել է. «Առանց քաոս ստեղծելու իշխանությունից հեռանալու փոխարեն, նրանք երկիրն անկառավարելի վիճակի են տանում։

Մահաբերն առանց արյան չի ցանկանում հեռանալ, հիմա էլ Երեւանում է ցանկանում արյուն թափել։

ՔՊ-ի անդամները, ուժային կառույցները պետք է լավ մտածեն իրենց գործողությունների մասին։

Հ.Գ. Մարտի 1-ի գործով երբ դրանք նորից հետաքննություն սկսեցին ու ոստիկանների սկսեցին թիրախավորել, ես դեռ այն ժամանակ էի գրել, որ երբ իրենք ստիպված լինեն ոստիկաններ հանել ժողովուրդի դեմ, ապա այդ ոստիկանները հիշելու են դա ու հասկանալու են, որ իրենք եւս կարող են պատժվել դրա համար, երբ ժամանակը գա»:

Նշենք, որ այս պահին Երեւանի տարբեր փողոցներում բողոքի ակցիաներ են ընթանում: Մասնավորապես, փակվել են Մյասնիկյան պողոտան, Սարյան փողոցը:

Ավելի վաղ NEWS.am-ը հայտնել էր, որ սեպտեմբերի 19–ին Արցախի դեմ սանձազերծված ադրբեջանական նոր ագրեսիայի ֆոնին Երևանում մասշտաբային ցույցեր են սկսվել։ Մարդիկ պատասխան են պահանջում ՀՀ իշխանություններից Արցախի հարցում դրսևորած անգործության համար։

Երևանի տարբեր բուհերի ուսանողներ միացել են ակցիային և կոչ են անում բոլոր վարորդներին թողնել մեքենաներն ու միանալ իրենց։ Բոլորն ընդգծում են, որ Արցախում այսօր ցեղասպանություն է և պետք է անհապաղ քայլեր ձեռնարկել։ Ցուցարարները վանկարկում են՝ «Արցախ», «միացեք»։

Երևանի Հանրապետության հրապարակ բազմաթիվ ոստիկանական ուժեր են բերվել, իրավապահները շղթա կազմած կանգնած են կառավարության շենքի դիմաց։

Հիշեցնենք՝ ՀՀ առաջին վարչապետ Վազգեն Մանուկյանը երեկ հայտարարեց, որ սեպտեմբերի 22-ից առավոտից զանգվածային անհնազանդության ակցիաներ են անցկացվելու։ Համաժողովրդական շարժումը համակարգելու համար սկսել են ազգային կոմիտե ձևավորել։ Այն պետք է 11 հոգուց կազմված լինի, այս պահին դեռ 5 հոգու կազմն է հայտնի` Հայկ Մամիջանյան, Ավետիք Չալաբյան, Անդրանիկ Թևանյան, Իշխան Սաղաթելյան։