ՀՀ վարչապետ Նիկոլ Փաշինյանի գլխավորած կառավարությունն այսօր՝ սեպտեմբերի 22-ին, անցկացնում է իր հերթական նիստը: Նիստի օրակարգում ընդգրկված է 38 հարց, որից միայն մեկն է զեկուցվում:
Հատկանշական է, որ այս անգամ կառավարության նիստը մեկնարկել է մեկ ժամ շուտ: Վաղ առավոտից կառավարության շենքը շրջապատված է ոստիկաններով։ Երեկ Ազգային կոմիտեն հայտարարել էր՝ սեպտեմբերի 22-ին, ժամը 10։00-ին շրջափակվելու է ՀՀ կառավարության շենքը։
Նշենք, որ այս պահին Երեւանի տարբեր փողոցներում բողոքի ակցիաներ են ընթանում: Մասնավորապես, փակվել են Մյասնիկյան պողոտան, Սարյան փողոցը: Անդրանիկ Թեւանյանին բերման են ենթարկել Բուզանդի փողոցին:
