Կառավարության այսօրվա՝ սեպտեմբերի 22-ի նիստում վարչապետ Նիկոլ Փաշինյանն անդրադարձավ Լեռնային Ղարաբաղում հաստատված հումանիտար եւ ռազմաքաղաքական իրավիճակի մասին:
«Իրադրությունը Լեռնային Ղարաբաղում շարունակում է մնալ ծայրահեղ լարված: Հումանիտար ճգնաժամը շարունակվում է: Մենք մշտական կապի մեջ ենք ԼՂ մեր գործընկերների հետ եւ այսօր առավոտյան ունեցած քննարկությունների արդյունքում՝ կարող ենք արձանագրել այնուամենայնիվ, որ իրադրության դրական տեղաշարժի որոշակի հույսեր կան ու դա ԼՂ մեր մի շարք գործընկերների գնահատականն է, որը մենք կիսում ենք»,- ասաց նա։
Փաշինյանը նշեց, թե ԼՂ բնակիչները կարող են իրենց տները վերադառնալու իրական հնարավորություն ստանալ։
