Սգո օրեր, անվերջանալի տառապանքներ բոլորի կողմից դավաճանված ու լքված հայ քաջարի մարտիկների՝ ստիպված հանձնումից առաջ։ Այս մասին իր X միկրոբլոգում գրել է Իլ-դե-Ֆրանս շրջանային խորհրդի անդամ Պատրիկ Քարամը։
«Ես երբեք չէի հավատա, որ մի օր ադրբեջանական բանակը շքերթ կանցկացնի Ստեփանակերտում։ Երբեք չէի մտածի, որ իմ սերունդը կտեսնի հայկական ներկայության բնաջնջումն իր պատմական հողերում։
Ես երբեք չեմ հավատա, որ միջազգային հանրությունը, Արևմուտքը, Եվրոպան վախկոտաբար չեն արձագանքի իրական ցեղասպանության և էթնիկ զտումների սպառնալիքին։
Ես սգում եմ միջազգային իրավունքը, որը ոտնահարվել է առանց որևէ արձագանքի: Ես սգում եմ ՄԱԿ-ի Անվտանգության խորհուրդը, որը ցույց տվեց իր անհամապատասխանությունը՝ միջազգային իրավունքի կիրառման հարցում:
Ես սգում եմ իմ բոլոր պատրանքները միջազգային կարգի մասին, որը կպաշտպանի ամենաթույլերին՝ բռնապետությունների ագրեսիայից:
Այսօր սգո օր է, և թող ոչ ոք ինձ հետ այլեւս չխոսի Ուկրաինայի մասին»,- գրել է նա։
