Նորատուսցիները փակել են Գավառ-Սևան ավտոճանապարհը և պահանջում են Նիկոլ Փաշինյանի հրաժարականը: Այս մասին տեսանյութեր են հրապարակում բնակիչները:
Զուգահեռ անհնազանդության ինքնաբուխ ակցիաներ են նաև մայրաքաղաքում: Արցախի ճակատագրով մտահոգ քաղաքացիները փակում են Երևանի տարբեր փողոցներ:
Նշենք, որ չնայած ոստիկանության կողմից համատարած բիրտ ուժի գործադրմանը՝ քաղաքացիները շարունակում են անհնազանդության ակցիաները Երևանում, փակում են փողոցները, վանկարկում «Արցախ», «Նիկոլ, դավաճան», եւ մյուս քաղաքացիներին կոչ են անում միանալ Արցախի փրկության համար ժողովրդական ընդվզման ալիքին։ Մայրաքաղաքի տարբեր փողոցներից կարմիր բերետավորները բիրտ մեթոդներով են բերման ենթարկում ցուցարարներին, մի քանի ոստիկանով հարձակվում են մեկ մարդու վրա, դաժանաբար ծեծում, նույնիսկ նրանց, որոնց արդեն նստեցրել են մեքենան։ Շատ քաղաքացիներ բերման ենթարկվելիս վնասվածքներ են ստացել:
