American Airlines-ն իր ինքնաթիռներում հայտնաբերել է չսերտիֆիկացված դետալներ, Bloomberg-ին հայտնել է ընկերության ներկայացուցիչը։

Bloomberg-ը, վկայակոչելով Դաշնային ավիացիոն վարչությունը (FAA), գրում է, որ դետալները, որոնց փաստաթղթերը ենթադրաբար կեղծված են եղել, արտադրվել են բրիտանական AOG Technics Ltd ընկերության կողմից։ Գործակալությունը նշում է, որ American Airlines-ը միակ ավիաընկերությունը չէ, որին տուժում է բրիտանական արտադրության պահեստամասերտ առանց համապատասխան հավաստագրման ստանալու արդյունքում:

«Մեր ներքին վերանայման, ինչպես նաև մեր մատակարարների հետ համագործակցության միջոցով մենք հայտնաբերեցինք չսերտիֆիկացված դետալներ փոքր թվով ինքնաթիռների վրա, որոնք բոլորն էլ անմիջապես հանվեցին ծառայությունից՝ փոխարինելու համար», - ասել է ավիաընկերության ներկայացուցիչը:

Նա նաև նշել է, որ American Airlines-ը կշարունակի աշխատել մատակարարների հետ և կհամակարգի Դաշնային ավիացիոն վարչության (FAA) հետ՝ ապահովելու, որ նման մասերը ապագայում չօգտագործվեն ամերիկյան ավիափոխադրողի ինքնաթիռներում։