Աշխարհում տեխնոլոգիական ոլորտի ավելի քան 236 հազ․ աշխատող  կորցրել է աշխատանքը 2023 թվականի սկզբից, ցույց է տալիս Layoffs.fyi պորտալի ուսումնասիրությունը։

Տվյալները վկայում են, որ տեխնոլոգիական ոլորտում 2023 թվականի վերջին կրճատումների թիվը զգալիորեն կգերազանցի անցյալ տարվա ցուցանիշը։ Այսպես, այս տարվա սկզբից 1,019 հազար տեխնոլոգիական ընկերություն աշխատանքից ազատել է 236,495 հազար մարդու։ Նախորդ տարեվերջին 1,024 հազար ընկերություն աշխատանքից ազատել է 154,34 հազար աշխատակցի, հայտնում է Layoffs.fyi-ն։

Այդ թվում՝ անցած շաբաթ, հեռահաղորդակցության սարքավորումներ արտադրող Cisco Systems Inc. հայտարարեց 350 աշխատակցի կրճատման մասին, իսկ սեպտեմբերի սկզբին Roku Inc. սթրիմինգային ընկերությունը հայտարարեց անձնակազմի 10%-ով կրճատման մասին։ Անցած տարեվերջին նրա աշխատակազմը կազմում էր մոտ 3,6 հազար մարդ։

Այս տարի աշխատակիցներին աշխատանքից ազատելու մասին հայտարարած տեխնոլոգիական ընկերությունների թվում են  ամերիկյան Amazon.com Inc., Electronic Arts, Palantir Technologies, Twilio Inc., DocuSign Inc., Salesforce Inc., Zoom Video Communications, eBay, Dell Technologies, PayPal Holdings, International Business Machines, Intel Corp., Microsoft Corp., Alphabet Inc., ինչպես նաև գերմանական SAP և շվեդական Spotify Technology ընկերությունները: