Իրանի արտաքին գործերի նախարարությունը կանչել է Շվեյցարիայի գործերի ժամանակավոր հավատարմատարին, ով ներկայացնում է Վաշինգտոնի շահերը Թեհրանում, ի նշան բողոքի ԱՄՆ-ի և Պարսից ծոցում արաբական պետությունների համագործակցության խորհրդի կողմից առաջադրված «անհիմն» մեղադրանքների դեմ, հաղորդում է Mehr-ը։
Իրանի ԱԳՆ-ի հաղորդագրության համաձայն՝ հինգշաբթի օրը կանչվել է Շվեյցարիայի գործերի ժամանակավոր հավատարմատարը և «խիստ բողոք և դատապարտում» է արտահայտվել երեքշաբթի Նյու Յորքում ԱՄՆ- Պարսից ծոցում արաբական պետությունների համագործակցության խորհուրդ նախարարական հանդիպման արդյունքներով հրապարակված համատեղ հայտարարության և ԱՄՆ սադրիչ գործողությունների առնչությամբ:
Նախարարությունը վերահաստատել է Իրանի վճռականությունը՝ «պահպանելու իր տարածքային ամբողջականությունը, պաշտպանելու իր անվտանգությունն ու շահերը ԱՄՆ կառավարության կողմից ծովային անվտանգության և առևտրային նավագնացության հետ կապված ցանկացած սպառնալիքից»:
«Իրանը կձեռնարկի անհրաժեշտ ռազմավարություններ այս առնչությամբ՝ իր ազգային շահերն ապահովելու համար»,- ասվում է հայտարարության մեջ։
Իրանի ԱԳՆ-ի հայտարարության համաձայն՝ հիմնվելով տարածաշրջանում անվտանգության և կայունության ապահովման հարցում իր իմաստուն մոտեցման վրա՝ Իրանը երբեք թույլ չի տա ԱՄՆ-ին թալանել տարածաշրջանային ակտիվներն ու ռեսուրսները՝ շարունակելով իր իրանաֆոբ քաղաքականությունը։ Շվեյցարիայի բանագնացը վստահեցրել է, որ Իրանի ուղերձը կփոխանցի ամերիկացի պաշտոնյաներին, ասվում է հայտարարության մեջ։
Միացյալ Նահանգների և Պարսից ծոցի երկրների համագործակցության խորհրդի համատեղ հայտարարության մեջ վերահաստատվել է Իրանին՝ Ատոմային էներգիայի միջազգային գործակալության (ԱԷՄԳ) հետ լիարժեք համագործակցության կոչը:
Նրանք մեղադրել են Իրանին անօդաչու թռչող սարքերի և այլ վտանգավոր զենքերի տարածման մեջ, որոնք լուրջ վտանգ են ներկայացնում տարածաշրջանի անվտանգության համար, և կոչ են արել Թեհրանին դադարեցնել իր գործունեությունը այս ուղղությամբ։
Իրանցի պաշտոնյաները բազմիցս զգուշացրել են, որ երկիրը չի վարանի ուժեղացնել իր ռազմական կարողությունները, որոնք ամբողջությամբ նախատեսված են պաշտպանության համար, նշում է լրատվամիջոցը։
